لِو اِن ریلیشن شپ: ہماری خاموشی کب تک؟
مسلمانوں کے معاشرے میں اگر ہماری بچیاں اور نوجوان نسل نکاح کے بغیر لِو اِن ریلیشن شپ جیسے تعلقات کی طرف جا رہے ہیں تو یہ صرف ایک خاندان کا مسئلہ نہیں، بلکہ ہم سب کے لیے سنجیدہ غور و فکر کا مقام ہے۔
اتنی خانقاہیں، اتنی جماعتیں، اتنے دینی ادارے، بڑی بڑی مذہبی باتیں، ٹوپیاں اور داڑھیاں—پھر ہماری نئی نسل کی دینی تربیت کہاں ہے؟
اسلام میں نکاح کے بغیر مرد و عورت کا ازدواجی تعلق جائز نہیں۔ ہمیں صرف ظاہری حلیے پر نہیں بلکہ اپنے گھروں کی تربیت، اخلاق، کردار اور دینی شعور پر بھی توجہ دینی ہوگی۔
ہمیں اپنی بیٹیوں اور بیٹوں دونوں کو محبت، حکمت اور دین کی صحیح تعلیم کے ساتھ یہ سمجھانا ہوگا کہ آزادی کے نام پر ایسے تعلقات اختیار کرنا ہماری اسلامی اور خاندانی اقدار سے متصادم ہے۔
سوال کسی ایک لڑکی یا لڑکے کا نہیں، سوال ہماری اجتماعی ذمہ داری کا ہے۔
آئیے صرف تقریروں اور نعروں سے آگے بڑھ کر اپنی نسل کی تعلیم، تربیت اور کردار سازی کے لیے عملی قدم اٹھائیں۔
خاموشی نہیں، اصلاح ضروری ہے۔
No comments:
Post a Comment